لا أدري كيف حصل بعضهم على مقاعد في البرلمان أو حقائب وزارية وهم لا يعرفون النطق بجملة مفيدة؟ كيف استطاعوا اقناع الشعب (أو الملك) بكفاءتهم وهم لا يفقهون مبادئ اللغة العربية ولا حتى العامية؟

إليكم نموذجا من هذا الإستهتار باللغة من محضر إحدى جلسات البرلمان الخاصة بالأسئلة الشفوية، كما أوردها المدون العربي (بالفرنسية):

وزير السكنى توفيق احجيرة يرد على سؤال حول التجهيزات العقارية:

شكرا السيد النائب، السيد النائب كيستحضر واحد المشكل اللي أنا كنسميه أزمة المرافق العمومية فبلادنا، وفي عدة مناسبات راه ماخصناش نخبعوا الشوش بالغربال اللي عطى الله خاص يتقال، يتوقع تصميم 100 مرفق في عشر سنين، لا ننجز إلا 7، هذا واحد المشكل وواحد الأزمة ديال المرافق العمومية اللي عندنا فبلادنا. هنا فقط أريد أن أنزه المنعشين العقاريين العموميين والخواص. راه ماشي الدور ديالهم يبنيو المرافق العمومية، أبدا المرافق العمومية من اختصاص الوزارات الأخرى- حنا تنهضروا على الاختصاص، غادي تقول لي التضامن الحكومي أنا غانجيليك- من اختصاصات الوزارات الأخرى، راه وزارة التعليم عندها المسائل ديالها وزارة الصحة عندها مسائلها، وزارة الشبيبة والرياضة عندها مسائلها إلخ..

الكاريان سنطرال :المشكل مطروح، من 1920

نائب: شكرا السيد الوزير، غير هو كان من المفروض معالي الوزير لما وقع هاد الحريق في كاريان سنطرال راه حتى واحد ما مشى طل عليهم، راهم باقين الآن السيد الوزير عايشين فالزنقة، راه ماعندهم لا مأوى ولا حتى حاجة ماعند

وزير السكنى توفيق احجيرة: الكاريان سنطرال 1914 والمشكل مطروح، من 1920 معاك الحق السيد النائب، من 1980 كانوا محاولات وكلها باءت بالفشل ببرهان أن اليوم 6000 عائلة ساكنة فالكاريان سنطرال فواحد المساحة ديال 30 هكتار. نحن المغاربة كلهم نعتبر أن هذا الوضع غير قابل أنه يبقى فواحد المغرب خاصة الكاريان سنطرال كيحمل الاسم ديال المقاومة المغربية.

الوزير بعد 15 دقيقة: لخمس سنوات اللي دازت السيد النائب مكنتنا أنه بلادنا ربحت مدونة جديدة للتعمير هي اللي تكلمتلك عليها وراها في الأمانة العامة للحكومة وراها مترلتشاي من السماء، كان مجهود جماعي ديال كل الجماعات الحضرية والقروية والوزارات وعمل ديال الجامعيين اللي وصلونا أننا وصلنا لواحد المنتوج نفتخر به اليوم واللي هو غادي يحدث واحد الثورة في مجال ديال التعمير.

نائب: شكرا السيد الوزير على الجواب، كنعرفكم على أن عندكم إلمام بالمعرفة الكافية.

نائب آخر: نحن في فريق تحالف القوى الديمقراطية يعني نريد التذكير فقط أنو حقيقة أنكم عندكم إلمام بالموضوع و جبتوا التفاصيل محددة وأرقام محددة.