من تونس: نخبة تونيزي

نخبة العار
-----------
النخبة للشعب فنار
نخبة تونيزي لبلادنا عار
لغة البراني تختار
الكلام التونسي ما له اعتبار

بلاد ابن خلدون وابن الجزار
بلاد الدغباجي الشهيد المغوار
من يصدق لهجته تعيش هذا الإحتقار
ما تقدرنخبته على جملة دون الكلام المستعار

لو جهر نور تونس الأنظار
لو عمّ الخير الديار
ظلمة الإبادة والإستعمار عندهم أنوار
أسيادهم قهروا أجدادنا بالحديد والنار

ما تستحي تستنجد بقتلة الأحرار
مع الأجنبي ضد أحفاد عمر المختار
ما يهمّها غير الدينار
باعت اللّهجة التونسية بتأشيرة وخرجة على المطار

النخبة للشعب فنار
نخبة تونيزي لبلادنا عار
مع الغزاة تتقاسم الأدوار
تقتل لهجتنا ما يهمّها وكأنّه ما شيء صار

نخبة الشرف تبلع الغصّة غضب فوّار
صامتة ما تكتب ما لها ثوّار
تخاف تهمة مقاومة فرنسة الألحان و القصائد والأشعار
تونس ضاعت ولهجتنا في طريقها للإندثـار

تونس ضاعت ولهجتنا في طريقها للإندثـار

------
نخبة تونيزي
----
تضيع تونس... تـتـقسم وتنصّـب نخبة العار على تونيزي أمير
ينشر دين فرنسا من بنزرت إلى المنستير
دين فرنسا كلامها... فـــتِــح وكن بصير
ما تقول مستحيل هذا يصير
فلسطين ضاعت بالـتـقسيم وشعبنا هناك أسير

نخبة تونيزي
الكلام التونسي مقامه عندها صغير
بالتونسي قاصرة عن التعبير
فاقدة للهمّة فاقدة للضّمير
ما تميّز بين التفتح والتنصير
ما ينقصها التدبير
لكن مشغولة أمام القنصلية في الطوابير
همّها لِـباريس تسير

بارك الله فيك
شكرا
يعطيك الصّحّة
يعـيْـشك
يرحم الوالدين
هذا كلامنا كلام عند التونسي قدره عالي وكبير
"مارسي " نخبتنا لها من العاشقين وعندها التبرير
فتوى نخبة العار أنّ الدين أوصى بالتيسير
نرمي كلامنا ونرفع راية الغير

تضيع تونس... تـتـقسم وتنصّـب نخبة العار على تونيزي أمير
ينشر دين فرنسا من بنزرت إلى المنستير
دين فرنسا كلامها... فــــتِـح وكن بصير
ما تقول مستحيل هذا يصير
فلسطين ضاعت بالـتـقسيم وشعبنا هناك أسير

------
مدونة فرحات التونسي : http://fettounsi.blogspot.com

مشاركات القراء: